Ish vaqti va SMS shablonlari
Sozlamalar → Ish vaqti va SMS bo'limida ish jadvalini va avtomatik SMS matnlarini belgilaysiz: javobsiz qo'ng'iroqqa, ish vaqtidan tashqarida, suhbatdan keyin va baho so'rash uchun.
Ish jadvali
Har bir hafta kuni uchun belgini qo'ying va ish boshlanish hamda tugash vaqtini kiriting. Belgilanmagan kun — dam olish kuni. Jadval qaysi SMS shabloni ishlatilishini belgilaydi: ish vaqti ichida yoki ish vaqtidan tashqarida.
SMS turlari
Har bir tur alohida yoqiladi — tegishli katakchaga belgi qo'ying, matnni yozing va pastdagi Saqlash ni bosing.
| SMS turi | Qachon yuboriladi |
|---|---|
| Ish vaqti ichida javobsiz qo'ng'iroqqa | Mijoz ish vaqtida qo'ng'iroq qildi, lekin javob berilmadi |
| Ish vaqtidan tashqarida javobsiz qo'ng'iroqqa | Mijoz ish vaqtidan tashqari qo'ng'iroq qildi |
| Kiruvchi suhbat tugagach «rahmat» SMS'i | Mijoz sizga qo'ng'iroq qildi va gaplashdingiz |
| Chiquvchi suhbat tugagach alohida SMS | Siz mijozga qo'ng'iroq qildingiz va gaplashdingiz |
| Baho so'rash SMS'i | Har qanday suhbatdan keyin, mijozdan 1–5 baho so'rab |
SMS xodimning telefonidan ketadi
Xabar qo'ng'iroq bo'lgan xodimning telefonidan, o'sha SIM-kartadan oddiy SMS sifatida yuboriladi. Shuning uchun xodim telefonida CallHub24 ilovasi faollashtirilgan va SMS yuborish ruxsati berilgan bo'lishi kerak.
Matndagi o'zgaruvchilar
| Yozing | O'rniga qo'yiladi |
|---|---|
{xodim} | Qo'ng'iroqni qabul qilgan yoki qilgan xodimning ismi |
{telegram} | Xodimning Telegram havolasi (Xodimlar bo'limida kiritiladi) |
{sahifa} | Xodimning sahifa havolasi |
{baholash} | Faqat baho SMS'ida: mijoz bosib 1–5 baho beradigan havola |
Agar {telegram} yoki {sahifa} xodim uchun kiritilmagan bo'lsa, shu o'zgaruvchi turgan qator butunlay tashlab yuboriladi — mijozga bo'sh joy ketmaydi.
Misol:
Assalomu alaykum! Siz Demo Savdo'ga qo'ng'iroq qildingiz, biz hozir band edik.
Tez orada qayta aloqaga chiqamiz.
Mening telegramim: {telegram}SMS takrorlanishini boshqarish
Bir mijoz qayta-qayta qo'ng'iroq qilsa, unga har safar SMS ketmasligi uchun har bir tur ostida rejim tanlang:
- Har doim yuborilsin — har bir qo'ng'iroqda.
- Faqat bir marta — bu raqamga bir marta yuborilgach, boshqa yuborilmaydi.
- Har N-qo'ng'iroqda — masalan 3 kiritilsa: 1-, 4-, 7-chi qo'ng'iroqda yuboriladi.
- X soatdan keyin — masalan 24 kiritilsa: oxirgi SMS'dan keyin 24 soat o'tmaguncha qayta yuborilmaydi.
Qo'ng'iroqlar ro'yxatida SMS nima uchun yuborilmaganini ko'rasiz (masalan, «Oxirgi SMS'dan beri 2/7-chi qo'ng'iroq») — Qo'ng'iroqlar va yozuvlar.
Tekshirish
Sozlamani saqlagach, boshqa raqamdan xodimga qo'ng'iroq qiling va javob bermang. Bir necha soniyada o'sha raqamga SMS kelishi kerak. Kelmasa: Muammolarni hal qilish.